ฟังเพลง สาวชุมแพยังคอย - น้องใหม่ เมืองชุมแพ (ฟังเพลงสาวชุมแพยังคอย)

ลมหนาวภูเย็นจ้อยจ้อย สาวชุมแพยังคอยคึดนำอ้ายหลายเอานี่ ละแม่นลืมแล้วบ้อพี่
เที่ยวภูกระดึงผานกเค้ายังเคยเว้าว่าฮักกัน... ผาพระนอนไปขอพรมื้อนั่นสัญญาฮักบ่ผันแปร
ต่อหน้าศาลพ่อหลักเมืองชุมแพตอนฮักหวานสาบานไว้

งานไหมขอนแก่นซื้อกำไลแขนฝากสาวชุมแพ ยังพอจำได้แหน่บ่น้อผู้บ่าวหน้าหนาวปีกลาย
อ้ายเคยกอดน้องคืนฟังลำน้องทำเอียงอาย เที่ยวงานไหมแล้วเที่ยวชุมแพเทคแคร์พี่ชาย
สัญญาหน้าศาลกับอ้าย อธิษฐานสาบานฮักกัน อ้ายคงลืมวันเที่ยวพระธาตุหลวงชุมแพ
ปีนี้จั่งบ่มาแวถิ่นไดโนเสาร์เฮาเคยฮักมั่น งานไหมขอนแก่นเสียงแคนดอกคูณเขาผูกเสี่ยวกัน
อ้ายลืมสัญญาฮักหมั้นผูกพันไว้เมื่อปีกลาย

ไปใสอ้ายคือบ่มากายมาใกล้มาแว ไปใสอ้ายซ่างบ่มากายมาใกล้มาแว
ตั๋วกันคักแท้บ่แคร์น้องแหน่น้อ ลืมแล้วบ้อวันที่บวงสรวงศาลปู่หลุบนำกันบ่อนสัญญาไว้
เคยเคียงใกล้งานไหมขอนแก่นผูกใจไว้แน่นแน่น ซ่างมายม้างฮักเฮา

เสาหลักเมืองเก่า ชุมแพและผาพระนอน อารยธรรมโนนเมืองแต่ก่อนภาพติดตาเที่ยวผานกเค้า
เข้าชมผาพวงอ้ายยังหล่วงบายแก้มนงเยาว์ เข้าชมผาพวงอ้ายยังหล่วงบายแก้มนงเยาว์
ปล่อยสาวชุมแพนั่งเศร้าปีนี้บ่มาสัญญาเลื่อนลอย
ลมหนาววอยวอย ผ่านภูพัดมาซูนคีง ห่มผ้าหนา ก่อไฟผิง แต่ใจน้องหนาวจ้อยจ้อย
จั่งแมนผู้บ่าวตั๋วสาวชุมแพได้แต่รอคอย จั่งแมนผู้บ่าวตั๋วสาวชุมแพได้แต่รอคอย
พ่อศาลหลักเมืองช่วยหน่อยเขากลับมาหาสาวชุมแพ

ฮักแท้อ้ายอย่าลอยแพน้อง ฮักแท้อย่าสู่ลอยแพน้อง มาคลองฮักกันคือเก่า
ส่อยเอิ้นขวัญเพิ่นแหน่นกผาเค้า นกเค้าเอ้ยนกเค้านกเค้า นกเค้าเค้าเค้าเค้าเค้าคนถ่าฮักอีหลี
ยังรอพี่อยู่ที่ชุมแพ แวมาหากะยังคึดพ้อสงสานคนรอแหน่เด้ออ้าย แหน่เด้ออ้าย.....